Articles

అలంపురం జోగులాంబ, భక్తి గీతం,లిరిక్, జె.పీ.ఎస్. సి.డి.కోసం రాసినది.

రససిద్ధుడు కట్టించిన దేవాలయం
అలరారుతున్న మన అలంపురం
తపసు చేయ సిద్ధుడొచ్చె ఈ క్షేత్రం 
కాశీ విశ్వేశ్వరుని ప్రేరణం

బ్రహ్మెశ్వర శిరసు నుండి జోగులాంబ నోటినుండి
గణపతయ్య బొడ్డునుండి ఇచ్చినారు ఒక రసము
పరసవేదిని చేసి ఆలయాలు కట్టించి
పరమపావనంగ చరితలోన నిలిచీ

దండెత్తగా వచ్చాడు విలసద్రాజు
పరసవేదినీ కోసం ఆ మహారాజు
అసంపూర్తి నిర్మాణం ఆలయంలో ప్రవేశం
సిద్ధుడు అయినాడు బ్రహ్మస్వరునిలో లీనం

కలతచెంది సిద్ధుడు పెట్టినాడు శాపం
రాజ్యం పోగొట్టుకొని కష్టాలను అనుభవించి
పొందినాడు జింకచేత ఉపదేశం
చివరికి చేరాడు రాజు శివసాన్నిధ్యం